من بادي الوقت وهذا طبع الايامي
عذبات الايام ما تمدي لياليها
حلو الليالي توارى مثل الاحلامي
مخطور عني عجاج الوقت يخفيها
أسري مع الهاجس اللي ما بعد نامي
واصور الماضي لنفسي واسليها
أخالف العمر أراجع سالف أعوامي
وانوخ ركاب فكري عند داعيها
تدفا على جال ضوه بارد عظامي
والما يسوق بمعاليقي ويرويها
إلى صفالك زمانك عل ياظامي
اشرب قبل لايحوس الطين صافيها
الوقت لو زان لك ياصاح ما دامي
ياسرع ما تعترض دربك بلاويها
حتى وليفك ولو هيم بك هيامي
سيور الايام تجنح به عواديها
عزيزي الزائر يعتبر موقع القصيد من اهم مواقع الشعر
التي تهتم بالساحه الشعريه ، من حيث القصائد الشعريه الصوتيه
والشعر الفيديو ، والشعر ، المقروء ، وموقع القصيد أصبح الآن موقع
الشعر المفضل لجماهير والشعر ، والشعراء
الشعراء -> خالد الفيصل -> من بادي الوقت 
آخر تحديث : 26 يناير 2013
عدد الزيارات : 34785
ملخص
القصائد (40)
الصور (2)